Register
|
Sign In
Australia
Search:
Foods
Recipes
Fitness
Members
My Fatsecret
Foods
Recipes
Fitness
Community
Community
Members
Soosss
Journal
Soosss's Journal
Soosss's Profile
|
Weight History
26 to 30 of 121
Page:
Previous
...
2
3
4
5
6
7
8
9
10
...
Next
13 November 2020
متهتمش بأراء وتعليقات الناس سواء كانت إيجابية أو سلبية لأن غالبا هيكون ليها تأثير سلبي عليك لو بتدور علي حافذ حقيقي يحركك لقدام بص علي أقرب أنجاز حققتة حتي لو كان صغير وأبني علية أبتدي بحاجة تقدر عليها و ثبتها ولما تحس أنها بقت سهلة عليك زود عليها ومع مرور الوقت انت نفسك هتستغرب وتقول أنا عملت كل دة إزاي لكن تركيزك مع الناس وكلامهم هيخليك تقلل أو تعظم من أنجازك وفالحالتين انت الخسران يأما هتكسل وتعجب بنفسك أكتر من اللازم يأما هتحبط وتقل عزيمتك ومتكملش مفيش حاجة بتحصل بين يوم وليلة وربنا مبيضيعش مجهود حد خلي عندك ثقة فالله وفنفسك وانت توصل وعلي رأي عم جورج كلام الناس لا بيقدم ولا يأخر 😂😂
(3 comments)
12 November 2020
الرياضة عمتا شيء مهم خلي فبيتك ديما ألة متعلقة
بالرياضة تكون بتحبها حتي لو هتنط الحبل أو حتي كورة لأن وجودها قدامك هيخليك تستخدمها حتي لو مش بشكل منتظم البتاعة دي انا عملتها فالبيت ومن غير أي فلوس ..
#أوعي تبطل تحاول
Add Comment
11 November 2020
بعض الناس وانا كنت منهم الأكل بيتحكم فيهم بمعني أن بيبقي عندهم تصور أن الأكل هو الي بيراضيهم ويطبطب عليهم وأن هو المتعة الوحيدة ليهم فالحياة ففكرة المنع أو حتي تغيير نوع الأكل بتكون مستحيلة وغير منطقية وحتي لو
حاول بيلاقي صعوبة فأستمراره لأن بعد أسبوع أو اتنين بتقل عزيمتة وبتسوء حالتة المزاجية وعقلة بيصولة أنة لما ياكل هيتبسط فمع الوقت بيرجع زي الأول من وجهة نظري أن سر النجاح فالموضوع دة هو تصحيح مفهوم علاقتك بالأكل لازم
تفهم أن الأكل زية زي كل حاجة فالدنيا لية معدل أستخدام و
لو زاد عن حدة عقلك بيخلقلة أهمية قصوي فحياتك ورغبة بتخلي علاقتك بالأكل عاطفية زي أتنين بيحبوا بعض بيبقي عندهم أستعداد يبقوا مع بعض طول الوقت وبيعدوا الوقت الي بيبعدوا فية عن بعض لحد ما يتقابلوا تاني وهنا بتبدأ المشكلة المفروض علاقتك بالأكل تبقي مش أكتر من تلبية أحتياج الجسم بيحتاج بروتين وكارب ودهون بنسبة معينة فاليوم الواحد لو أخدهم بيكتفي أنت بقي بتعبي ممكن تاكل أكل أسبوع فوجبة واحدة وانت مش واخد بالك لأنك مش مركز أنت بتحب الأكل فبتتعامل معاة بمشاعرك وبتلغي عقلك تماما فحتي لو عقلك فنص الأكل قالك أنا أخد كفايتي خلاص وقف أنت بتنفضلة وبتكمل عادي لأنك مبسوط ببساطة خلي الأكل مجرد حاجة لازم تعملها زي الهوا والمية مش عشق أو هواية بتحب أنك تعملها .
Add Comment
09 November 2020
مفيش احلي مالجري فليل الشتا الهادي ..
#وسط البلد
(3 comments)
08 November 2020
معلومات ممكن تفيدك ..
*1كيلو جرام بيساوي 7700 كالوري
*معدل النزول الطيبعي بيبقي٢ كيلو فالأسبوع ممكن يقل أو يزيد حسب جسمك
*أحسن وقت للرياضة أول ما تصحي مالنوم ويفضل تبقي رياضة خفيفة زي المشي أو الجري الخفيف
*شرب المية باستمرار بيقلل شعور الجوع وبيحافظ علي توازن الجسم
*تثبيت مواعيد نومك وأكلك بيخلي حرق السعرات فجسمك يتم بشكل مظبوط وبيضمنلك نتايج سريعة
*المعدة بتشبع بعد ٢٠ دقيقة من بداية الأكل
*الشبع يعني الوخم والكسل عود نفسك أنك متملاش بطنك بالأكل
*لازم تعرف أن جسمك بيعتبر الدهون دي ثروتة وبيميل للأحتفاظ بيها ودة عشان لو قابل مجهود عالي يقدر يستخدمها
*قلة الحركة بتعود جسمك علي الراحة لكن لو انتظمت علي رياضة يومية بتلاقي جسمك هو الي بيطلب أن تتحرك ومع مرور الوقت بيتحول التعب والأرهاق الي بتحس بية لمتعة وراحة متقدرش تستغني عنها
*أوعي تبطل تحاول حتي لو عارف أنك مش هتقدر
(3 comments)
Soosss's Weight History
View Complete History