Register
|
Sign In
Australia
Search:
Foods
Recipes
Fitness
Members
My Fatsecret
Foods
Recipes
Fitness
Community
Community
Members
Soosss
Journal
Soosss's Journal
Soosss's Profile
|
Weight History
21 to 25 of 121
Page:
Previous
1
2
3
4
5
6
7
8
9
...
Next
23 November 2020
متستناش مصيبة تحصل علشان تبتدي تتحرك المعدة بيت الداء أعرف أكتر عن أكلك وحاول تثقف نفسك لازم تفهم أن السمنة السبب الرئيسي فمعظم الأمراض المزمنة لو بتحب الأكل ومتخيل أنك متقدرش تستغني عنه دور شوية واعرف نتيجة نظام أكلك هتوديك فين بعد كام سنة ساعتها هتعمل أي حاجة علشان تخس أرجوك متاخدش الموضوع بستسهال لو لسة صغير وشايف أن معندكش حاجة ومفيش سبب يخليك تغير من عادات أكلك صدقني دلوقتي أحسن بكتير من لما تبقي كبير ومش قادر حتي تتحرك ..
Add Comment
21 November 2020
لوكا صديقتي الي كنت بحكيلها عن جوعي وقرفي مالدنيا صحيح مبتردش بس علي الأقل تقبلتني فجميع أحوالي ..
(2 comments)
18 November 2020
أسوء وقت ممكن تاكل فية قبل النوم وللأسف دي مالمشاكل الي يتواجة كتير من الناس ممكن يبقي نظام أكلك صحي وكل حاجة فيومك بتمشي صح لكن قبل النوم بتحس بجوع شديد بيخليك عايز تاكل وحتي لو حاولت تغصب علي نفسك عشان تنام عقلك بيشتغل وبيفكرك بالأكل وهنا أنت بتبقي فأضعف حالاتك لأنك بتقاوم حاجة جسمك متعود عليها بقالة فترة الحقيقة أن حل الموضوع دة بيتخلص فقدرتك علي التحكم فنفسك ودة بيجي بالتدريب ومع الوقت ولازم تعرف أنك لو نجحت فأنك تعدي يوم واحد من غير ما تاكل قبل ما تنام دة مش معناة أنك نجحت فكسر العادة وأن بعد كدة الموضوع هيكون سهل ولكن بالتدريج أنهاردة صعب بكرة أسهل شوية ولكن توقع أن كل يوم عقلك هيزن عليك ولو ركزت شوية تقدر تعرف بالدقيقة أمتي عقلك هيزن عليك عشان تبقي مستعد وتقول لأ غالبا لما بتيجي فكرة الأكل فدماغك مبترفضهاش لأنها محببة بالنسبالك جرب فمرة لو كنت جعان وخلاص رايح عالتلاجة عشان تاكل قول أنا هستني نص ساعة وبعد كدة أكل عادي وارجع أقعد مكانك وبعد النص ساعة ما تخلص روح تاني عالتلاجة هتلاقي الفكرة أختفت من دماغك والرغبة فالأكل تلاشت اللعبة كلها أن عقلك متبرمج علي تلبية رغبة الجوع فلحظتها عمرك ما تكون جعان والأكل قدامك ومتاكلش مجرد ظهور الأكل قدام عينك مفيش مجال للرفض والحل هو المحايلة حتي الأقتناع أكنك بتتعامل مع طفل صغير بالظبط لما يقعد يزن عليك عشان عايز حاجة معينة وانت شايف أن الحاجة دي غلط علية بتعمل أي؟ بتهاودة طب يا حبيبي كمان شوية أو أصل عمو بتاع اللعب قفل وبكرة هنجيب ولو كتر فالزن بتزعقلة وبتجبرة عشان يسكت وحلول تانية كتير كل واحد حسب طريقة تعاملة وكلهم بينجحة لية عشان فأيدك السيطرة نفس الكلام علي نفسك بطنك مينفعش تفتح التلاجة من نفسها وتاكل أنت لازم تقرر دة فالسيطوة علي عقلك تعني الوصول لهدفك .
*ملحوظة
عمر أي فكرة جوة دماغك ميتعداش الثواني رد فعلك علي الفكرة دي هو الي بيحدد أستمرارها فدماغك أو خروجها فمفيش حاجة أسمها أنا طول الوقت جعان أنت طول الوقت بتفكر فالأكل ودة الي بيخليك تاكل مش الجوع .
(4 comments)
17 November 2020
لازم تعرف أن مفيش نظام أكل يقدر يخلصك من نسبة الدهون العالية فجسمك لازم تحرقها الموضوع كلة يتلخص في أن جسمك عشان يعيش يومة الطبيعي بيحتاج يحرق عدد معين من السعرات ودة علي حسب وزنك وعدد الساعات الي بتنامها فاليوم لو انت كلت علي قد السعرات دي جسمك بيستهلكها ولكن الدهون الي أصلا موجودة مبتتحركش لكن لو أضفت ليومك رياصة ولو عشر دقايق كل يوم بيبتدي جسمك يحرق لوجود مجهود زيادة عن السعرات الي أكلتها فاليوم وبالتالي نسبة الدهون بتقل كمان لو قللت عدد السعرات الي بتاكلها فاليوم عن المعدل الطبيعي ودة فأنظمة كتير زي الصيام المتقطع وغيرها بردة جسمك بيحرق ولكن مش من الدهون من الجسم عمتا الكتلة العضلية مالبروتينات وعشان كدة لو متبع أحد الأنظمة دي بعد ما بتخس بلاقي ترهلات جلدية كتير أفضل طريقة لحرق الدهون هي المجهود عمتا والصراحة دة بالنسبالي عدل لأن أنا أكتسبت الدهون دي وانت قاعد مستريح وباكل وبدون أي مجهود فمالطبيعي لما أعوز أخس لازم التعب علي قد الراحة
*ملحوظة
بيبدأ الجسم التفاعل مع الرياضة بعد عشر دقايق ، بيبدأ الأول يحرق بروتين وبعد كدة يدخل عالدهون أما عن السكر بيكون دورة محفذ للعضلات وعلي العكس لو ملعبتش رياضة بيتحول لدهون
(1 comment)
15 November 2020
workout everyday 💪
Add Comment
Soosss's Weight History
View Complete History